முதன்முறையாக கணினி மூலம் பொதுத்தேர்வு எழுதிய மாற்றுத்திறனாளி மாணவர்

தமிழ்நாட்டில் 10, 11 மற்றும் 12-ம் வகுப்பு மாணவர்களுக்கான பொதுத்தேர்வு மார்ச் மாதம் நடைபெறுகிறது. இதில் முதலில் மார்ச் 3-ம் தேதி 12-ம் வகுப்பு பொதுத்தேர்வு தொடங்கி முதலில் தமிழ் பாடத்திற்கான தேர்வு நடைபெற்றது. மேலும், மார்ச் 5-ம் தேதி 11-ம் வகுப்பிற்கான பொதுத்தேர்வு தொடங்கப்பட உள்ளது. இந்நிலையில், தமிழ்நாட்டு வரலாற்றில் முதன்முறையாக பார்வை மாற்றுத்திறனாளி மாணவர் ஒருவர் கணினி மூலம் பொதுத்தேர்வை எழுதி அனைவரின் கவனத்தையும் ஈர்த்துள்ளார்.

தமிழ்நாட்டில் 12-ம் வகுப்பு பொதுத்தேர்வு மார்ச் 3-ம் தேதி முதல் தொடங்கி நடைபெற்று வருகிறது. இந்நிலையில், பார்வை மாற்றுத்திறனாளி மாணவர் ஆனந்தன் தமிழக பொதுத் தேர்வு வரலாற்றில் முதன்முறையாக கணினி மூலம் தேர்வை எழுதி அனைவரின் கவனத்தையும் பெற்றுள்ளார்.